კორონავირუსის პანდემიის კუთხით მდგომარეობა უფრო მეტად გაუარესდება, თუ გარკვეული მთავრობები ვირუსის გავრცელების პრევენციისთვის გადამწყვეტ ზომებს არ მიიღებენ, – ამის შესახებ ჯანდაცვის მსოფლიო ორგანიზაციის გენერალურმა დირექტორმა, ტედროს ედჰენომ გებრეისუსმა განაცხადა. ინფორმაციას BBC-ი ავრცელებს.
გებრეისუსის განცხადებით, იმ ქვეყნებში, სადაც ვირუსის პრევენციის მიზნით, შესაბამისი ზომები გატარებული არაა „ახალი შემთხვევების რაოდენობის საგრძნობი ზრდა“ ფიქსირდება,
„ძალიან ბევრი ქვეყანა არასწორი მიმართულებით მიდის“,- აღნიშნა მან.
მისი თქმით, ვირუსი საზოგადოების ნომერ პირველ მტრად კვლავ რჩება. როგორ გებრეიესუსმა აღნიშნა, ზოგიერთი ლიდერის დამაბნეველმა გზავნილმა საზოგადოებრივ ნდობას ძირი გამოუთხარა.
„თუ წესებს არ დავიცავთ, ეს პანდემია მხოლოდ ერთი მიმართულებით განვითარდება, ის მხოლოდ გაუარესდება“, – აცხადებს WHO-ს ხელმძღვანელი.
