მესამე ტალღა, ფაქტია, რომ უფრო მაღალი იქნება, ვიდრე პირველი, თუმცა ვიმედოვნებთ, თუ დავიცავთ იმ წესებს, რაც რეკომენდებულია, ალბათ, შესაძლებელი იქნება, ისეთი დამანგრეველი არ იყოს, როგორიც მეორე,- ამის შესახებ დაავადებათა კონტროლის ცენტრის გადამდებ დაავადებათა დეპარტამენტის ხელმძღვანელმა, ხათუნა ზახაშვილმა „პალიტრანიუსის“ ეთერში განაცხადა.
„როგორც ჩანს, ვერ შევძლებთ მესამე ტალღის შეჩერებას. ეს ბევრ ფაქტორზეა დამოკიდებული. დღევანდელი სიტუაცია არ იძლევა შესაძლებლობას, რომ გატარდეს ისეთი მკაცრი ღონისძიებები, როგორიც შარშან, ერთი წლის წინ გატარდა და შესაძლებელი გახდა პირველი ტალღის ძალიან მშვიდობიანად გადავლა, ძალიან მცირე შემთხვევებით, ნაკლები ადამიანური დანაკარგებით.
მესამე ტალღა, ფაქტია, რომ უფრო მაღალი იქნება, ვიდრე პირველი, თუმცა ვიმედოვნებთ, თუ დავიცავთ იმ წესებს, რაც რეკომენდებულია, ალბათ, შესაძლებელი იქნება, ისეთი დამანგრეველი არ იყოს, როგორიც მეორე“,- განაცხადა ხათუნა ზახაშვილმა.
