ჟურნალისტთა საერთაშორისო ფედერაციის ანგარიშის მიხედვით, 2021 წელს, სამსახურებრივი მოვალეობის შესრულების გამო, მსოფლიო მასშტაბით 45 ჟურნალისტი და მედიის თანამშრომელი მოკლეს.
მათივე ცნობით, 1991 წლიდან დღემდე, საკუთარი საქმიანობის გამო, მსოფლიო მასშტაბით სულ 2 721 ჟურნალისტი და მედიის თანამშრომელი მოკლეს.
ორგანიზაციის ანგარიშის მიხედვით, გასულ წელს აზია-წყნარი ოკეანის რეგიონში სამსახურებრივი მოვალეობის შესრულებისას მედიის 20 თანამშრომელი მოკლეს, ჩრდილოეთ და სამხრეთ ამერიკაში 10, აფრიკაში – რვა, ევროპაში – ექვსი, აღმოსავლეთის რეგიონში კი ერთი.