„დიდი იმედი მაქვს, კეთილგეონიერებას მოუხმობენ ჩვენი ოპოზიციონერები და ბრძოლას გადაიტანენ საპარლამენტო ფორმატში. აქეთკენ მოუწოდებენ მათ საერთაშორისო პარტნიორები“,- ამის შესახებ ეკონომიკის მინისტრმა, ნათია თურნავამ მთავრობის სხდომის დასრულების შემდეგ განაცხადა.
მისი თქმით, საზოგადოების დაკვეთა ქუჩაში დგომა არ ყოფილა.
„მათ მეტაფორაც კი გამოიყენეს, რომ ეს ყველაფერი ჰგავს ერთხელ ნანახი ფილმის ხელახლა ყურებას. ეს იმას ნიშნავს, რომ ზოგიერთი ჩვენი ოპოზიციონერი, განსაკუთრებით ულტრარადიკალური, ჩარჩენილია წარსულში.
საზოგადოების დაკვეთა არის სხვა. ამიტომაც ჩვენი ამომრჩეველი მივიდა საარჩევნო უბანზე და არ გავიდა მასობრივად ქუჩაში. რც უფრო მალე შეიტყობენ, რა არის ხალხის დაკვეთა, მით უფრო მეტად ადეკვატურები იქნებიან და დარჩებიან პოლიტიკურ ასპარეზზე“,- განაცხადა ნათია თურნავამ.
ცნობისთვის, ოპოზიცია 31 ოქტომბრი არჩევნების შედეგებს არ აღიარებს და პარლამენტში შესვლას ბოიკოტს უცხადებს. ოპოზიცია არც არჩევნების მეორე ტურში აპირებს მონაწილეობის მიღებას, რომელიც 21 ნოემბერს არის დანიშნული.
