ზუგდიდის მუნიციპალიტეტში კორონავირუსის 14 ახალი შემთხვევა გამოვლინდა.
აქედან სამი მერიის თანამშრომელია. ჟურნალისტებს ზუგდიდის მერმა გიორგი შენგელიამ განუცხადა, რომ მერია ნაწილობრივ მანამდეც დისტანციურ რეჟიმზე მუშაობდა, ახლაც ადგილზე თანამშრომელთა მხოლოდ 30% იმყოფება.
„შესაბამისად, თანამშრომლების კონტაქტები არის მინიმალური, თუმცა ჩვენ ვატარებთ ყველა ზომას, რათა მაქსიმალურად მოხდეს ყველა შემთხვევის გამოვლენა. თანამშრომლებს უტარდებათ ტესტირება და ადმინისტრაციულ შენობას – დეზინფექცია“, – განაცხადა გიორგი შენგელიამ.
მისივე ცნობით, ტესტირების და დეზინფექციის პროცესი კიდევ უფრო ინტენსიური გახდება. ამასთან ზუგდიდში დადასტურებული შემთხვევების კვლევები გრძელდება.
ცნობისთის, ინფიცირების წყარო კოვიდდადასტურებული 72 წლის მესანთლე ქალია.
ავტორი: თეა შონია
