ზუგდიდში, 26 თებერვალს ოქროს ბირჟის ძარცვის ფაქტზე დევნის ოპერაციის დროს გარდაცვლილი 24 წლის ცაგო თუთბერიძის ოჯახის წევრები დევნის პროცესში მონაწილე პოლიციელების დასჯას ითხოვენ.

„მე არ ვამართლებ მას, ხომ გააკეთა ეს, მაგრამ არა გულში, არამედ სხეულის სხვა ნაწილში დაეჭრათ, რაც სიკვდილს არ გამოიწვევდა. სად გაიქცეოდა ეს დაჭრილი, გამინადგურეს“,- ამბობს გარდაცვლილის დედა მადონა ფიფია.

ოჯახის ახლობლები აცხადებენ, რომ მოკვლას, დამნაშავისთვის თუნდაც 20 წელი პატიმრობა მიესაჯათ სჯობდა.

შეგახსენებთ, რომ შემთხვევის ადგილას რამდენიმე საათის განმავლობაში მუშაობდნენ ექსპერტ-კრიმინალისტები და მამაკაცის ცხედარი, გვიან ღამით გადაასვენეს ექსპერტიზის ბიუროში. მომხდარზე გამოძიება ასევე დაწყებულია სახელმწიფო ინსპექტორის სამსახურის მიერ.

გარდაცვლილი 24 წლის ცაგო თუთბერიძე ზუგდიდში დედა და ძმასთან სოფელ ინგირის მეურნეობის კორპუსში ცხოვრობდა.

ავტორი: თეა შონია