„ნუ მომკლავ!“, „გამოიძიე დანაშაული!“, „სისტემა კლავს!“, „ვის უნდა დაურეკო მაშინ, როცა პოლიცია გკლავს“, -ამ ლოზუნგებით ახალგაზრდებმა ერას მოედანზე მდუმარე აქცია გამართეს.
მათი განაცხადებით , ამ აქციით აპროტესტებენ ბოლო პერიოდში გახშირებულ კრინალურ ფაქტებს და მიმართავენ შშს სამინისტროს, გამოიძიონ ყველა ფაქტი და დამნაშავეები დასაჯონ.
„სისტემამ კი არ უნდა მოკლას ბავშები ან ხელი დააფაროს, არამედ გამოიძოს დაიცვას, და დასაჯოს დამნაშავეები. მანკიერი სისტემა უნდა დაინგრეს და უნდა იყოს ისეთი სისტემები, რომლებიც დაიცავს ხალხს, – ეს მდუმარე აქცია სწორედ იმ გახშირებულ ფაქტებს ეძღვნება, რომელიც ბოლო პერიოდში ხდება“, – განაცხადა აქციის მონაწილე მზია ქედელიძემ.
შეგახსენებთ, რომ ფონიჭალაში რამდენიმე დღის წინ გაუჩინარებული თამარ ბაჩალიაშვილი გარდაცვლილი დღეს იპოვეს.
როგორც ცნობილია, თამარ ბაჩალიაშვილის მანქანაში სამართალდამცველებმა სხვადასხვა ტიპის მედიკამენტი აღმოაჩინეს. მედიკამენტების პოვნის შესახებ ინფორმაცია დაადასტურა ოჯახის ადვოკატმა მიხეილ რამიშვილმაც.
ექსპერტ-კრიმინალისტები შემთხვევის ადგილზე საგამოძიებო მოქმედებებს ამ წუთებშიც აწარმოებენ. თამარ ბაჩალიაშვილის ცხედარი თეთრიწყაროს მუნიციპალიტეტის ტყიდან ცოტა ხნის წინ ლევან სამხარაულის სახელობის ექსპერტიზის ეროვნულ ბიუროში გადაასვენეს. წინასწარი ინფორმაციით, ცხედარს ჭრილობები არ აღენიშნება.
