რამდენიმე დღის წინ დაკარგული 19 წლის ფეხბურთელის გაუჩინარების საქმეზე დაკითხვები მიმდინარეობს.
„რუსთავი2“-ის ინფორმაციით, ამ წუთებში მცხეთის პოლიციაში ამ საქმის ოქროს მოწმის, გურამ ამირხანაშვილის დაკითხვა მიმდინარეობს. როგორც ცნობილია, ის არის პირი, რომელიც 19 ივნისის ღამეს ახლდა გიორგი შაქარიშვილს.
მას შემდეგ, რაც ახალგაზრდებმა აგარაკი დატოვეს და თბილისი-სენაკი-ლესელიძის ავტომაგისტრალზე გავიდნენ, მანქანა მათ დაბადების დღის კიდევ ორმა სტუმარმა გაუჩერა, მოხდა ფიზიკური დაპირისპირება მგზავრებსა და მიმდებარე ტერიტორიაზე მყოფ კიდევ ერთ პირს შორის.
მოწმეების მტკიცებით, გიორგიმ და გურამმა გაქცევა სცადეს, გურამმა გაქცევა ვერ შეძლო და ის ავტომანქანით თბილისში, დიდუბეში ჩამოიყვანეს, გიორგი კი შემთხვევის ადგილას, მდინარესთან ხიდის ქვეშ დაიმალა.
სამაშველო ოპერაცია მდინარე მტკვარსა და არაგვზე მიმდინარეობს. ადგილზე განსაკუთრებულ სიტუაციებზე რეაგირების 60 მაშველი და 6 მყვინთავია მობილიზებული.
ცნობისთვის, 3 დღის წინ 19 წლის ფეხბურთელი გიორგი შაქარაშვილი გაუჩინარდა.
