ჯანდაცვის მინისტრის მოადგილის, თამარ გაბუნიას განმარტებით, პიკური პერიოდი მომავალში შეიძლება კორონავირუსის 2 ათასი შემთხვევით განისაზღვროს. ამის შესახებ გაბუნიამ საკოორდინაციო სხდომის დასრულების შემდეგ განაცხადა.
„ისეთ მაღალ ზრდას, რომელიც იყო გასული წლის ნომებერში არ უნდა ველოდოთ იქიდან გამომდინარე, რომ ბევრს უკვე გადატანილი აქვს და იმუნიზაციის პროცესიც დაწყებულია. სავარაუდოდ 2 ათასი უნდა იყოს ის მაჩვენებელი, რომელიც პიკურ პერიოდში უნდა შევინარჩუნოთ და შემდეგ უკვე უნდა დაიწყოს კლება“,- განაცხადა თამარ გაბუნიამ.
ცნობისთვის, დღეს ქვეყანაში 1788 ახალი შემთხვევა დაფიქსირდა.
