ვიდეო თამაშები მისი შექმნის დღიდანვე საკმაოდ პოპულარული იყო, დღეს კი ამით უამრავი ადამიანია დაკავებული. ყველაფერთან ერთად, ეს უკვე სპორტის ეერთ-ერთ სახეობად ყალიბდება, ეწყობა ჩემპიონატები და ძალიან დიდი ყურადღებაც ეთმობა. ტექნოლოგიის განვითარება პირდაპირპროპორციულად აისახება ამ სფეროზე და დროთა განმავლობაში სულ უფრო და უფრო მეტად იხვეწება. თუ ჯერ კიდევ ორი ათეული წლის წინ ძალიან ცუდი ხარისხი და ძალიან დაბალი მონაცემები ადამიანებს ვერ აბრკოლებდა საათები გაეტარებინათ საყვარელი თამაშის „დასახურად“, დღეს ეს მოცემულობა რადიკალურადაა შეცვლილი, უფრო მეტიც, მომავალი საკმაოდ მიმზიდველად გამოიყურება ვიდეო თამაშებისთვის, რადგან უამრავი სტარტაპი თუ კომპანია მუშაობს იმაზე, რომ მაქსიმალურად რეალური და ამაღელვები იყოს ამ გამოცდილების მიღება.
თანამედროვეობაში ვიდეო თამაშების სათამაშოდ საუკეთესო დეტალი მაღალი გადართოების ტელევიზორის ქონაა, რომელიც მაღალ გრაფიკაზე გაუშვებს სასურველ თამაშებს. თავის მხრივ, მართალია ტელევიზორებს ახალგაზრდები შეიძლება დღესდღეისობით ნაკლებად უყურებენ, თუმცა გეიმერებისთვის ძალიან ბევრს ნიშნავს. ტელევიზორებმა წლების განმავლობაში სხვადასხვა ახალი დანიშნულებაც შეიძინეს, დღეს ნებისმიერი სახლისთვის განუყოფელ ნაწილადაა ქცეული.
იმ გეიმერებისთვის კი, რომლებიც საუკეთესო გამოცდილებას ელიან და მსოფლიოში პოპულარული კონსოლის, PS5-ის თამაშით სურთ მიიღონ სიამოვნება, აუცილებელია ისეთი ხარისხის მონიტორი, რომელიც აუცილებლად იქნება მაღალი გაფართოების და ბევრ საშუალებას მოგცემთ. ამის გათვალისწინებით, თავის მხრივ კომპანიები ცდილობენ მოთამაშეების ეს სურვილი გაითვალისწინონ და შექმნან მათზე მაქსიმალურად მორგებული ტელევიზორები, რომელიც მიმართული იქნება იმისთვის, რომ ყოველი მნახველი ახალი გამოცდილებით აავსოს და შთაბეჭდილების ქვეშ დატოვოს. სტატიაში გაგაცნობთ 2021 წლის იმ საუკეთესო ორ ტელევიზორს, რომელიც ნამდვილად იდეალურია PS5-ის სათამაშოდაც და ნეტფლიქსის საყურებლადაც გამოდგება.
LG C1 OLED
აღნიშნული მოდელი იდეალურია ვიდეოთამაშებისთვის, განურჩევლად ჟანრისა თუ მოცულობისა. ტელევიზორს აქვს პიქსელების ავტომატურად ჩართის შესაძლებლობა, რაც იმას ნიშნავს, რომ აქვს თითქმის უსასრულო კონტრასტის დიაპაზონი და სრულყოფილი შავი ფერი, რომელიც არ იყვირებს ნათელი ფერის გარშემო და იდეალურ გამოსახულებას იძლევა ნებისმიერ ექშენ კადრში, რაც ასე სასურველია საუკეთესო თამაშისთვის. ტელევიზორს აქვს ფართო ხედვის კუთხე, ხოლო თითოეული პიქსელი ანაწილებს სინათლეს ყველა მიმართულებით, რაც საუკეთესო გამოცდილებას პირდება ნებისმიერი ტიპის მოთამაშეს. ტელევიზორის 120 ჰერციანი პანელი აღჭურვილია VRR მხარდაჭერით და HDMI 2.1 შესაძლებლობით, რაც უზრუნველყოს 4K გამოსახულებას 120fsp-მდე თამაშისას. აღსანიშნანია ის ფაქტიც, რომ ე.წ. “screen burn”, ანუ ეკრანის მაღალ განათებაზე მუშაობისას მიღებული დამწვრობა, რაც აისახება გამოსახულებაზე, ასეთი ტიპის ტელევიზორებში ხშირად შეხვდებით, თუკი მუდმივად მაღალი განათების ფონზე იმუშავებს, თუმცა ამ მოდელს ეს ხარვეზი არ ექნება, რადგან აქვს HRD, რომელიც განათებას არეგულირებს და იმდენად არასოდეს ნათდება, რომ აღნიშნული პრობლემა გამოიწვიოს.
Sony X90J
სონის აღნიშნული ტელევიზორი ნამდვილად ერთ-ერთი გამორჩეული მოდელია, რომელიც კომპანიას შეუქმნია. ის საუკეთესოა ხანგრძლივი თამაშებისთვის, რადგან სპეციალურად ჩაშენებული LED მოწყობილობა ეკრანს დაიცავს ნებისმიერი screen burn-ებისგან, რაც შესაძლებლობას იძლევა, რომ მაღალ განათებაზე იყოს გაშვებული თამაში მთელი დროის განმავლობაში. ამას გარდა, ვინაიდან PS5-იცა და ტელევიზორიც სონის პროდუქტია, მას აქვს ნებისმიერი კონტენტის გაშვების მხარდაჭრა და სწრაფი რეაგირების დრო. 120 ჰერციანი პანელი და HDMI 2.1 მხარდაჭერით ნამდვილად ნებისმიერი ისიამოვნებს.
(R)
