„თუ დაპატიმრების გადაწყვეტილებას მიიღებენ, ფიზიკურად დავიცავ ნიკას, მათ მოუწევთ გადაუარონ ადამიანებს და ისე წაიყვანონ ნიკა“, – ამის შესახებ ელენე ხოშტარიამ “ტვ პირველის” ეთერში განაცხადა.
ელენე ხოშტარია აცხადებს, რომ ოპოზიციას საპროტესტო აქციების გეგმა აქვს და 25 თებერვლისთვის (საქართველოს ოკუპაციის დღე, 1921 წლის 25 თებერვალი) მარში მოეწყობა.
“იქნება აქცია, ძალიან მნიშვნელოვანი თარიღი მოდის, ჩვენი ქვეყნის ოკუპაციის 100 წლის თავი, რომელსაც ძალიან დიდი შეურაცხყოფა მიაყენა იმ პროგრამამ, რომელიც ვნახე, არც კი მჯერა თუ ბოლომდე ასეა, კობახიძის დაჯილდოვება დაუგეგმიათ. ჩვენ მარშით შევხვდებით ამ დღეს და ჩვენ გვაქვს ზოგადად საპროტესტო აქციების გეგმა”, – განაცხადა ელენე ხოშტარიამ.
