“დროას“ ლიდერი, ელენე ხოშტარია საავადმყოფოდან გაწერეს. ამის შესახებ ინფორმაციას პოლიტიკოსი სოციალურ ქსელში თავად ავრცელებს.
მისი თქმით, ძალების მოსაკრებად გარკვეული პერიოდი ისევ სჭირდება.
„მეგობრებო, გამოვეწერე საავადმყოფოდან. ძალიან დიდი მადლობა ნიუ ჰოსპიტალს. ყველა სანიტარს, ექთანს, ექიმს. საოცარი პროფესიონალების და გულისხმიერი ადამიანების ხელში ვიყავი. ერთი წამი დისკომფორტი არ მქონია.
Vakho Kaloiani ის მხარდაჭერის და დახმარების გარეშე, ძალიან გამიჭირდებოდა შიმშილობის დროსაც და ეხლაც. პროფესიონალიზმის გარდა, ყველაზე მთავარი, რაზეც ჩვენი ურთიერთობა იდგა და იდგება არის ნდობა, რასაც ყველაზე მეტად ვაფასებ.
ცოტა დრო კიდევ მჭირდება ძალების აღსადგენად, ვფიქრობ, მაქსიმუმ ერთ კვირაში დავუბრუნდები საქმეებს.
ყველას ძალიან დიდი მადლობა“,- წერს ხოშტარია სოციალურ ქსელში.
ცნობისთვის, პოლიტიკოსი 17 დღის განმავლობაში, პროტესტის ნიშნად პარლამენტის შენობაში შიმშილობდა. მისი მოთხოვნის დაკმაყოფილების შემდეგ ელენე ხოშტარიამ შიმშილობა შეწყვიტა და მკურნალობა კლინიკაში გააგრძელა.
