“ყველაფერს ვაკეთებთ ოპოზიციური პარტიები, რომ შევძლოთ შეთანხმება ხელისუფლებასთან, რომელიც არ გვესაუბრება, სამწუხაროდ, მედიატორების ჩართულობის გარეშე“, – ამის შესახებ „რესპუბლიკური პარტიის” თავმჯდომარე ხათუნა სამნიძემ კრისტიან დანიელსონთან შეხვედრის შემდეგ განაცხადა.
„მოლოდინი გვაქვს პოზიტიური, იმდენად მაღალია ჩართულობა, სურვილი ევროპელი და ამერიკელი პარტნიორების, რომ ეს პროცესი შედეგით დასრულდეს.
როცა კომპრომისს ვახსენებ, ვამბობ ორივე მხრისგან. იქიდან გამომდინარე, თუ რა მნიშვნელობა ენიჭება ამ პროცესს. რამდენჯერ ახსენა ბატონმა დანიელსონმა კომპრომისი და პარტიის ლიდერების პასუხისმგებლობა. იმედი მაქვს, ჩვენ შევძლებთ კონკრეტული კომპრომისებით, ახალი წინადადებებით დავაახლოვოთ პოზიცია, შევთანხმდეთ და ქვეყანამ ნორმალურად გააგრძელოს ფუნქციონირება“,- განაცხადა ხათუნა სამნიძემ.
