ხონში ,,სტრატეგია აღმაშენებლის” საარჩევნო ბანერი დააზიანეს., პარტიის ქუთაისის ორგანიზაციის ხელმძღვანელი გია თევდორაძის თქმით, ჩამოჭრილია ბანერის ქვედა ნახევარი.
„ამ ხელისუფლების პირობებში ძალადობაში ხედავენ გამოსავალს. არ გაქვს იმედი, რომ დამნაშავეს გამოავლენენ. უბრალოდ ვიტყვი, რომ ამ მეთოდებით ვერავის შეაშინებენ. მათ მიმართ აგრესიას გაზრდიან ხალხში“,- ამბობს გია თევდორაძე.
ბანერის დაზიანების ფაქტზე განცხადებით მიმართეს შინაგან საქმეთა სამინისტროს.
საარჩევნო კოდექსის მიხედვით, პლაკატებისა და ბანერების დაზიანება საარჩევნო აგიტაციაში ხელის შესაშლელად ითვლება, რაც პირის იდენტიფიცირების შემთხვევაში ადმინისტრაციულ ჯარიმას ითვალისწინებს.
საპარლამენტო არჩევნები 31 ოქტომბერს გაიმართება.
ავტორი: კესო მოლაშხია
