„ტრიბუნა“ არის ის ადგილი, სადაც მივაღწევთ, რომ ადამიანებს დარღვეული უფლებების აღდგენის პერსპექტივა გავუჩინოთ, – აცხადებს უფლებადამცველი, იურისტი ლია მუხაშავრია და პოლიტიკაში მიდის.

ლია მუხაშავრია, დღეს დავით ჭიჭინაძის პოლიტიკურ პარტია „ტრიბუნას“ შეუერთდა.

„ამ არჩევნებმა, ძალიან ბევრი რამ უნდა შეცვალოს ამ ქვეყანაში. პირველ რიგში კი, უნდა შეიქმნას ისეთი გარემო, რაც ადამიანებს მისცემს დარღვეული უფლებების აღდგენის შესაძლებლობას.

დაუშვებელია ქვეყანაში გამუდმებით ირღვეოდეს ადამიანების უფლებები და არ მოქმედებდეს იმ წესებისა და კანონების ერთობლიობა, რომელიც ამ დარღვეულ უფლებებს აღადგენდა, კანონს აღასრულებდა და სამართალს თავის სიმაღლეზე დააყენებდა.

მე ვფიქრობ, რომ “ტრიბუნას” სწორე ამ მხრივ აქვს ძალიან კონკრეტული მიმართულება და ძალიან კონკრეტული გეგმები პოლიტიკაში და ამ ნიადაგზე მოხდა ჩვენი გაერთიანება.

მითუმეტეს, რომ 30 წელია ვიბრძვი ადამიანების უფლებებისთვის და ძირითადად საქართველოს საზღვრებს გარეთ. საქართველოში კი, ჯერ  „ნაციონალების“ ცხრა წლის და შემდეგ „ოცნების“ რვა წლიანი მმართველობის პირობებში, არცერთხელ არ მიეცათ ამ უფლებების აღდგენის შანსი. ამის გარეშე კი, არათუ მომავალი ვერ გვექნება წარმატებული, საერთოდ საუბარიც არ იქნება მომავალზე“, – აცხადებს ლია მუხაშავრია.

ამასთან, დავით ჭიჭინაძის განცხადებით, ლია მუხაშავრიას პარტია „ტრიბუნაში“ გაწევრიანება სერიოზული განაცხადია.

„რადგან საქართველოში , ვერც „ ქართული ოცნების“ ხელისუფლებაში მოსვლის პირობებში მოხერხდა სამართლიანობის აღდგენა, ჩვენი პოლიტიკური მოძრაობა, „ტრიბუნა“ კი , იბრძვის იმისთვის, რომ სამართალი აღდგეს, სამართლიანობისთვის ერთ ერთი ნათელი მებრძლის, ლია მუხაშავრიას, ჩვენს პარტიაში მოსვლა, მართლაც რომ სერიოზული განაცხადი და შენაძენია“, – განაცხადა დავით ჭიჭინაძემ