უკვე ცნობილია როგორ გადანაწილდა თანამდებობები მეათე მოწვევის პარლამენტში. დღეს პარლამენტის პირველი სხდომა ოპოზიციის ბოიკოტის რეჟიმში ჩატარდა.
გადანაწილებული თანამდებობები ასეთია:
პარლამენტის თავმჯდომარედ დასახელდა არჩილ თალაკვაძე, მისი პირველი მოადგილე გიორგი ვოლსკი, მოადგილეები კი, კახა კუჭავა და დავით სერგეენკო.
საპარლამენტო უმრავლესობის ლიდერად ირაკლი კობახიძე აირჩიეს, ფრაქცია „ქართული ოცნების“ თავმჯდომარე კი – მამუკა მდინარაძეა.
რაც შეეხება, კომიტეტებს და მის თავმჯდომარეებს:
იურიდიულ საკითხთა კომიტეტის თავმჯდომარე ისევ ანრი ოხანაშვილი იქნება; ადამიანის უფლებათა დაცვის კომიტეტის თავმჯდომარედ – მიხეილ სარჯველაძე აირჩიეს; თავდაცვის კომიტეტის თავმჯდომარედ – ირაკლი ბერაია; საპროცედურო საკითხთა კომიტეტის თავმჯდომარედ – ირაკლი ქადაგიშვილი; რეგიონული პოლიტიკისა და თვითმმართველობის კომიტეტის თავმჯდომარედ – სოზარ სუბარი; საფინანსო-საბიუჯეტო კომიტეტის თავმჯდომარედ – ირაკლი კოვზანაძე; დარგობრივი ეკონომიკისა და ეკონომიკური პოლიტიკის კომიტეტის თავმჯდომარედ – დავით სონღულაშვილი; აგრარულ საკითხთა კომიტეტის თავმჯდომარედ – ნინო წილოსანი; გარემოს დაცვისა და ბუნებრივი რესურსების კომიტეტის თავმჯდომარედ – მაია ბითაძე;
რაც შეეხება საგარეო პოლიტიკურ ბლოკს – საგარეო ურთიერთობათა კომიტეტის თავმჯდომარედ ნიკოლოზ სამხარაძე აირჩიეს, ევროინტეგრაციის კომიტეტის თავმჯდომარე – მაკა ბოჭორიშვილი, დიასპორისა და კავკასიის საკითხთა კომიტეტის თავმჯდომარე კი – ბექა ოდიშარია იქნება.
სოციალური ბლოკიდან, ჯანდაცვის საკითხთა კომიტეტის თავმჯდომარე იქნება დიმიტრი ხუნდაძე, განათლების კომიტეტის თავმჯდომარე – თეა წულუკიანი, სპორტის კომიტეტის თავმჯდომარე – მიხეილ ყაველაშვილი. ევროპასთან ინტეგრაციის კომიტეტის თავმჯდომარე – მაკა ბოჭორიშვილი.
