ნიდერლანდების დედაქალაქ ამსტერდამში ათასობით დემონსტრანტი ამსტერდამის ცენტრალურ მოედანზე შეიკრიბა და კორონავირუსის პრევენციის მიზნით დაწესებული შეზღუდვები გააპროტესტა.
ინფორმაციას ამის შესახებ Euronews-ი ავრცელებს.
გამოცემის ცნობით, ვან გოგის მუზეუმთან აქციის მონაწილეებმა ბანერები გაშალეს, რომლებსაც შემდეგი შინაარსის წარწერები ჰქონდა: „ნაკლები რეპრესია, მეტი ზრუნვა“, „ეს არ ეხება ვირუსს, ეს ეხება კონტროლს“.
დემონსტრანტების მცირე ჯგუფი პოლიციას დაუპირისპირდა, რის შემდეგაც სამართალდამცველებმა აქცია დაშალეს.
