მტკიცებულებებით დასტურდება, რომ 2008 წლის ომის დროს მსხვერპლი იყო საქართველო და ჩვენი მოსახლეობა და დაირღვა კონვენციის არაერთი უმძიმესი მუხლი, როგორიცაა სიცოცხლის უფლება, წამება, საკუთრების უფლება და სხვა უფლებები, – ამის შესახებ პარლამენტის იურიდიულ საკითხთა კომიტეტის თავმჯდომარემ, ანრი ოხანაშვილმა განაცხადა.
„ჩვენ, რა თქმა უნდა, გვაქვს ევროპულ სასამართლოში ისტორიული გამარჯვების მოლოდინი. ამ მიმართულებით „ქართული ოცნების“ ხელისუფლების პირობებში ძალიან დიდი შრომა იყო გაწეული, კერძოდ, იუსტიციის სამინისტრომ 2013 წლიდან მოყოლებული, დაახლოებით 700-მდე მტკიცებულება წარადგინა სტრასბურგში. ამ მტკიცებულებებით დასტურდება, რომ 2008 წლის ომის დროს მსხვერპლი იყო საქართველო და ჩვენი მოსახლეობა და დაირღვა კონვენციის არაერთი უმძიმესი მუხლი, როგორიცაა სიცოცხლის უფლება, წამება, საკუთრების უფლება და სხვა უფლებები. აქედან გამომდინარე, გაწეული შრომის შედეგად წარდგენილი მტკიცებულებების საფუძველზე გვაქვს მოლოდინი, რომ ეს იქნება ისტორიული გამარჯვება და მხოლოდ ის დაგვრჩენია, დაველოდოთ საბოლოო გადაწყვეტილების გამოცხადებას“, – განაცხადა ოხანაშვილმა.
