„არ ღირს არცერთი სკამი არც ერში, არც ეკლესიაში თუ ერი არ იქნება კარგად“,- ამის შესახებ ბოდბის ეპარქიის მთავარეპისკოპოსმა, მეუფე იაკობმა დღევანდელ ქადაგებაზე განაცხადა.
როგორც იგი ამბობს, საქართველო მაშინ განვითარდება, როცა ხალხი ერთმანეთის „დაჭმას მოეშვება“.
იმის მიხედვით ვერავის ვერ ავირჩევ, ვინ ვისზე უკეთესია, მე ღმერთი ავირჩიე და მინდა რომ საქართველო განვითარდეს. განვითარდება მაშინ, თუ ერთმანეთის დაჭმას მოვეშვებით, ერთმანეთს თუ შევიყვარებთ. არ ღირს არც ერთი სკამი არც ერში, არც ეკლესიაში თუ ერი არ იქნება კარგად. მე ჩემი თავი გადადებული მაქვს ხოლმე, ჩემ თავს ვაყენებ ზიანს და სახელმწიფოს და ეკლესიას ბევრ რამეს ავაცილებ.
სანამ ღმერთი გვმფარველობდა, რამდენი თვე ისე ვიყავით, როცა დავიწყეთ არა ჩემი დამსახურებაა, არა ჩემიო, შემდეგ ღმერთი გვანახებს რა შეგვიძლია ადამიანებს, ესეც ვიცოდეთ“,- აღნიშნა მეუფე იაკობმა.
