19 წლის გიორგი შაქარაშვილის საქმის ერთ-ერთმა ფიგურანტმა იაკობ ბრეგვაძემ საგამოძიებო უწყება ცოტა ხნის წინ დატოვა.
როგორც ჟურნალისტებთან საუბრისას მისი ინტერესების დამცველი ირმა ჭკადუა ამბობს, გამომძიებლებმა ფოტოგრაფის სოციალური ქსელი დაათვალიერეს.
ამასთან ჭკადუამ აღნიშნა, რომ ბრეგვაძის მისამართით ხდება ცრუ ინფორმაციის გავრცელება და მისი ბულინგი.
„სოციალური ქსელი დაათვალიერეს, ამ ეტაპზე სხვა კითხვები გამოძიებას რა ჰქონია. დეტალურ საუბრის ჩანაწერს ავიღებთ და ჩვენ თავად გავასაჯაროებთ, გარდა ამისა მერწმუნეთ, რომ ყველა კითხვას ვუპასუხებთ ჟურნალისტებთან.
უბრალოდ ის რაც დღეს ხდება იაკობ ბრეგვაძის ირგვლივ, მისი პერსონალური ინფორმაციის გასაჯაროება, მისი სუს-ის აგენტად მოხსენიება, ბულინგი სრული ამ სიტყვის მნიშვნელობით. თქვენ, რომ ნახოთ რა სიტყვებით, რა მესიჯებს წერენ მას და მის ოჯახის წევრებს. ამ დროს თქვენ არ იცით რა ხდება რეალურად. არ შეიძლება ხელაღებით ადამიანებს დავაბრალოთ ან აგენტობა, ან მკვლელობა და ა.შ“, – ამბობს ადვოკატი ირმა ჭკადუა.
შეგახსენებთ, რომ 23 ივნისს, 19 წლის გიორგი შაქარაშვილის ცხედარი 4-დღიანი ძებნის შემდეგ მაშველებმა მდინარე არაგვში იპოვეს.
19 ივნისს, დაახლოებით 11 საათზე გიორგი შაქარაშვილის დაკარგვის შესახებ ოჯახმა შინაგან საქმეთა სამინისტროს მიმართა. პოლიციამ, სამაშველო სამსახურთან ერთად, შეტყობინების მიღებისთანავე დაიწყო სამძებრო სამუშაოები.
ფეხბურთელის გარდაცვალების საქმეზე გუშინ 17 პირი დააკავეს.
გამოძიებას არაფერს არ ვუმალავ – ფოტოგრაფმა შსს-ს შენობა დატოვა
