მაქვს საფუძვლიანი მოლოდინი, რომ არაერთი პარტია უახლოეს მომავალში ჩაერთვება საპარლამენტო საქმიანობაში, – ამის შესახებ პარლამენტის თავმჯდომარემ, არჩილ თალაკვაძემ ბრიფინგზე განაცხადა.
„იმედი გვაქვს, რომ დიალოგი პოზიტიურად დასრულდება, თუმცა დიალოგის ფარგლებში რაიმე ტიპის შეთანხმებები ქვეყნის კონსტიტუციის და სტრატეგილი ინტერესებისა თუ კანონის უზენაესობის ხარჯზე ვერ მოხდება, რა თქმა უნდა და მზად ვართ კონსტიტუციის ფარგლებში იმ შეთანმებებისთვის, რომელიც სჭირდება საქართველოს დემოკრატიასა და მრავლაპარტიული პარლამენტის ფუნქციონირებას. მე კიდევ ერთხელ მინდა მივმართო ოპოზიციას, რომ დალოგი გამოვიყენოთ იმისთვის, რათა შევთანხმდეთ არა იმ კატეგორიულ მოთხოვნებზე, რომელიც გვესმოდა რადიკალური ოპოზიციისაგან, არამედ შევთახმდეთ იმ ინტერესებისა და საკითხების გარშემო, რომელიც ყველაზე მეტად სჭირდება ჩვენს ქვეყანას. იმედი მაქვს და ასევე მაქვს საფუძვლიანი მოლოდინი, რომ არაერთი პარტია უახლოეს მომავალში ჩაერთვება საპარლამენტო საქმიანობაში“, -აღნიშნა არჩილ თალაკვაძემ.
