„ელექტრონული კომუნიკაციების შესახებ“ კანონში ცვლილებების უკან გაწვევა არ მოხდება და კომიტეტი მას მიმდინარე კვირაში განიხილავს. ამის შესახებ პარლამენტის თავმჯდომარემ, არჩილ თალაკვაძემ ბიუროს სხდომაზე განაცხადა.
მისი თქმით, ინფორმაცია კანონის უკან გაწვევის შესახებ არასწორია.
„დღეს კომიტეტზე იმის გამო არ გამოვიდა კანონპროექტი, რომ ამასთან დაკავშირებით სექტორთან ისევ გრძელდება მოლაპარაკებები. დღეს გავრცელდა არასწორი ინფორმაცია, რომ თითქოს ამ პროექტის განხილვა აღარ იგეგმება და პარლამენტის მხრიდან მისი გაწვევა ხდებაო. პარლამენტი მას ვერც გაიწვევს, რადგან არ არის პარლამენტის მიერ ინიცირებული. ამ ინიციატივას სექტორთან შეთანხმებით განვიხილავთ ბოლომდე და კენჭს ვუყრით მიმდინარე კვირაში“,- განცხადა არჩილ თალაკვაძემ.
ცნობისთვის, „ელექტრონული კომუნიკაციების“ შესახებ და „მაუწყებლობის შესახებ“ საკანონმდებლო ცვლილებების პროექტის განხილვა გადაიდო.
საკანონმდებლო ცვლილებათა პაკეტი, რომელიც მაუწყებლებს და ინტერნეტმიმწოდებლებს ეხება, დღევანდელ დარგობრივი ეკონომიკისა და ეკონომიკის პოლიტიკის სხდომაზე აღარ განიხილება.
