„არავინ მოვატყუოთ ხალხო, რომ ვიცოდეთ, რომ ხვალ პროპორციული საარჩევნო სისტემით არჩევნები ჩატარდება, ოპოზიციურ პარტიებს შორის პაექრობა უნდა წარიმართოს, ეს ნორმალურია, თუმცა ჩვენ ეს მოპოვებული არ გვაქვს”,- ამის შესახებ “ნაციონალური მოძრაობის” ლიდერმა ნიკა მელიამ საპატიმროს დატოვების შემდეგ, ჟურნალისტებთან განაცხადა.
“უნდა ვიყოთ გულწრფელები საზოგადოებასთან, მაინტერესებს ვინმემ მიზანი ხომ არ შეიცვალა? შესაძლოა, არსებობენ კოლეგები, ვინც ფიქრობს, რომ 2024 წლამდე უნდა მოიცადოს და მათთვის არ არის მნიშვნელოვანი კარს მომდგარი არჩევნები ოქტომბრის თვეში.
შესაძლოა, ვინმე თვლიდეს, რომ ბრძოლაში ახლა შესვლა არ არის პრაგმატულად მისაღები. დარწმუნებული ვარ, ოპოზიციურ ველზე გამოიკვეთება ბირთვი, რომელიც ალალ-მართალ ბრძოლაში კი არ ჩაერთვება, არამედ ბრძოლას გააღვივებს, იმიტომ, რომ ბრძოლაში უკვე ჩართულები ვართ“, – აღნიშნა მელიამ.
