„ვფიქრობ, რომ შარლ მიშელის შეთანხმების ხელმოწერის შემდეგ პარლამენტისა და არჩევნების წინააღმდეგ საბოტაჟი და ხელოვნური კრიზისი დასრულებულია”, – ამის შესახებ უმრავლესობის წევრმა არჩილ თალაკვაძემ განაცხადა.
მისი თქმით, ნიკა მელიას უკრაინაში ნიშნავს იმას, რომ სააკაშვილი ემალება ქართულ მართლმსაჯულებას და ვერ ჩამოდის საქართველოში.
“ვფიქრობ, რომ შარლ მიშელის შეთანხმების ხელმოწერის შემდეგ პარლამენტისა და არჩევნების წინააღმდეგ საბოტაჟი და ხელოვნური კრიზისი დასრულებულია. შესაბამისად, ამ ეტაპზე, ნიკა მელია და მიხეილ სააკაშვილი, მათი შეხვედრა და კომენტარები მეათე ხარისხოვანია, ნომერი პირველი საკითხი პანდემიის მართვა და ამით გამოწვეული ეკონომიკური ზიანის შემცირებაა. ნიკა მელიას ჩასვლა სააკაშვილთან ემსახურება იმას, რომ სააკაშვილი ემალება ქართულ მართლმსაჯულებას და ვერ ჩამოდის საქართველოში, მიუხედავად არაერთი დაპირებისა. სწორედ ამიტომ, მელია ჩადის მასთან. სხვა შინაარსს ან რაიმე პერსპექტივას, რომ საქართველოს მომავალი ცხოვრებისთვის ეს შეხვედრა მნიშვნელოვანია, ვერ ვხედავ”, – განაცხადა თალაკვაძემ.
