Insights for Education-ის მიერ ჩატარებული კვლევის მიხედვით, მსოფლიოს მასშტაბით, მტკიცებულებებმა აჩვენა, რომ ლოქდაუნის შემდეგ მოსწავლეების სკოლებში დაბრუნებასა და ინფექციის ზრდა/კლებას შორის კავშირი არ არსებობს.
კვლევის პროცესში მეცნიერებმა 191 ქვეყნის მონაცემები გამოიყენეს.
ორგანიზაციის აღმასრულებელი დირექტორის, რანდა ზახარის თქმით, თავიდან ისინი ვარაუდობდნენ, რომ სკოლების გახსნა ინფექციების მატებას გამოიწვევდა.
„აუცილებელია მტკიცებულებების შესწავლა, რათა თავიდან ავიცილოთ ცრუ ვარაუდი იმის შესახებ, თუ რა გავლენას ახდენს სკოლების გახსნა და დახურვა ვირუსის გადაცემაზე. ვივარაუდეთ, რომ სკოლების გახსნა ინფექციების მატებას გამოიწვევდა და სკოლების დახურვა შეამცირებდა გადაცემის რისკებს, მაგრამ რეალობა გაცილებით კომპლექსურია. ახლა მთავარია იმ ქვეყნებისგან ვისწავლოთ, რომლებიც ეფექტურად იხსნებიან ინფექციების ზრდის ფონზე“, – განაცხადა ზახარმა.
კვლევის შედეგად აღმოჩნდა, რომ 52-მა ქვეყანამ, მათ შორის საფრანგეთმა და ესპანეთმა, სინამდვილეში არდადეგების პერიოდში იგრძნეს ინფექციის გავრცელების ზრდა. თუმცა, ხორვატიისა და დიდი ბრიტანეთის შემთხვევაში ვირუსის ზრდის ტენდენცია სკოლების გახსნის შემდეგ შეამჩნიეს. თუმცა, სხვა კვლევები (Unesco და მსოფლიო ბანკის მონაცემები) ადასტურებს, რომ ეს ტენდენცია სკოლების გახსნამდეც იყო.
როგორც ანგარიშში ნათქვამი, საერთო ჯამში, სურათი იმდენად მრავალფეროვანია, რომ სკოლებსა და კორონავირუსის გადაცემას შორის კავშირის დადასტურება შეუძლებელია.
გასათვალისწინებელია სხვა ფაქტორები, მათ შორის ქვეყნის ჯანდაცვის სისტემის შესაძლებლობები, ეკონომიკის გახსნის საკითხი, ტესტირებისა და კვლევის სისტემის სიჯანსაღე. ანალიზი ემყარება იმას, რაზეც მეცნიერები სულ უფრო მეტად ფიქრობენ – რომ ბავშვები, რომლებიც თავდაპირველად კორონავირუსული ინფექციის პოტენციურ გამავრცელებლებად ითვლებოდნენ, ამ როლს არ თამაშობენ. ამასთან, იზრდება იმის ნიშნები, რომ სკოლის გერეშე ყოფნა, მავნე ზეგავლენას ახდენს ბავშვებზე მსოფლიოში.
ანგარიში გვიჩვენებს, რომ ქვეყნების უმეტესობა, რომლებიც ახლა კორონავირუსის მეორე ტალღას ებრძვიან და მათ შორის ევროპის მრავალი ქვეყანაც არის, სკოლების სრულმასშტაბიან დახურვას არ განიხილავენ. პირიქით, ისინი ფიქრობენ, ინფექციის გავრცელების ზრდის მიუხედავად, როგორ გახსნან სკოლები.
ანგარიშის თანახმად, 711 მილიონი ბავშვი წლის ბოლომდე, შეიძლება, სკოლის მიღმა დარჩეს. საუბარია უმრავლესობაზე დაბალი და საშუალო შემოსავლის ქვეყნებში, რამაც შესაძლოა არათანაბარი გარემოს შექმნა კიდევ უფრო დააჩქაროს.
ზახარის თქმით, აღნიშნული კვლევა მნიშვნელოვანი იყო, რათა დანგრეულიყო მოსაზრება, რომ კორონავირუსის დროს სკოლაში სიარული უფრო საშიშია, ვიდრე სახლში ყოფნა.
WHO პასუხობს ყველა კითხვას, რომელიც სკოლასა და COVID-19 -ს ეხება
