საქართველოში ამერიკის შეერთებული შტატების ელჩის რეზიდენციაში „ქართული ოცნებისა“ და ოპოზიციური პარტიების ლიდერების შეხვედრა დასრულდა.
შეხვედრას ბოლომდე ესწრებოდა „ნაციონალური მოძრაობის“ თავმჯდომარე გრიგოლ ვაშაძეც, რასაც შეხვედრის მონაწილე სხვა პოლიტიკური პარტიების წარმომადგენლებიც ადასტურებენ. თუმცა, გრიგოლ ვაშაძეს მედიის წარმომადგენლებთან კომენტარი არ გაუკეთებია.
პარტიების წარმომადგენლების ინფორმაციით, დიპლომატების მონაწილეობით პოლიტიკური კონსულტაციების კიდევ ერთი რაუნდი უახლოეს დღეებში შედგება.
