აჭარის უმაღლეს საბჭოსთან გაერთიანებული ოპოზიციის აქციაზე კიდევ 5 პირი დააკავეს. დაკავებულია: გიორგი სოკოლოვი და რისმაგ ხოზრევანიძე. ისინი აჭარის უმაღლესი საბჭოს შენობის ღობეზე ავიდნენ, სამართალდამცავებმა ძალის გამოყენებით ჩამოიყვანეს და დააკავეს.
დაკავებულია ასევე, აქციის კიდევ სამი წევრი, ანუკი კონცელიძე, მზია ქედელიძე და თემური ბერიძე დააკავეს, რომლებიც სტიკერებს „ხმების ქურდები“ უმაღლესი საბჭოს კედელზე აკრავდნენ.
როგორს სამართალდამცავები აცხადებენ, ისინი არ ემირჩილებიან პოლიციის კანონიერ მოთხოვნას არაერთი მოწოდების მიუხედავად.
„სტიკერების გაკვრის გამო გვაკავებენ. ცდილობენ ასე სათითაოდ გაგვიყვანონ ტერიტორიიდან. ჩვენ არ ვარღვევთ კანონს, სტიკერის გაკვრა დანაშაული არაა”- აცხადებს ქციის ერთ-ერთი წევრი დაკავებული მზია ქედელიძე.
აჭარის უმაღლეს საბჭოსთან აქციის უკვე შვიდი წევრია დაკავებული.
„საბჭოთა კავშირი დაბრუნდა. არ უნდათ გაიგონონ პროტესტის ხმა. აკავებენ ახალგაზრდებს, ეს საბჭოთა მილიციონერები. სამარცხვინოები არიან. ამით არ გაჩერდება პროტესტი. აჭარის რეგიონს არ შევაყვანიებთ რუსეთის ფედერაციაში“,, – აცხადებს ენმ-ის ერთ-ეეთი წევრი და უმაღლესი საბჭოს არჩეული დეპუტატი ელგუჯა ბაგრატიონი.
ავტორი: ნაირა ქობულაძე
