გარდაცვლილი თამარ ბაჩალიაშვილის ოჯახის ადვოკატი, მიხეილ რამიშვილი აცხადებს, რომ მომდევნო კვირიდან მას სათვალთვალო კამერების და დრონის მიერ გადაღებული კადრების გაცნობის შესაძლებლობა ექნება.
რამიშვილის მტკიცებით, ასევე დაკითხული მოწმეების ჩვენებებში გარკვეული უზუსტობებია.
„მოწმეები, ვინც არიან დაკითხულები, იმათ ჩვენებებში გარკვეული უზუსტობებია და ძალიან შეუსაბამოა. მაგაზე მიდის გარკვეული ვერსიების შეჯერება. იმ კვირიდან დავიწყებთ დრონების, ჩანაწერების და გარკვეული სათვალთვალო ვიდეო ჩანაწერებიდან შეჯამებას და ყველაფრის ნახვას. ბევრი ვერსია რადგანაც არსებობს, ამ ვერსიიდან ჩანს, რომ გარკვეული ეჭვები ჩამოშორდება ამ საქმეს“, – აცხადებს რამიშვილი.
