მე ვფლობ გარკვეული სახის ინფორმაციას, რომ მალე ორი ადამიანი შეიძლება ფიგურირებდეს მკვლელებად, ორი მამაკაცი, – ამის შესახებ ბაჩალიაშვილის ოჯახის ადვოკატმა, მიხეილ რამიშვილმა თბილისის პროკურატურაში საქმის მასალების გაცნობის შემდეგ განაცხადა.
რამიშვილის თქმით, აბები, რომლებიც ბაჩალიაშვილის საქმეში ფიგურირებს, თამარ ბაჩალიაშვილს არ ეკუთვნოდა და თვითმკვლელობის ვერსია გამორიცხულია.
მიხეილ რამიშვილი საქმის გადაკვალიფიცირებას ელოდება.
„ვნახავთ ახლა რასთან გვაქვს საქმე, რა იყო გრიფით საიდუმლო, რისი განსაიდუმლოება მოხდა, არის თუ არა სრულად. ის აბები, რომელი ვითომდა თამარის მიერ იყო შეძენილი, არ არის თამარის მიერ შეძენილი, შესაბამისად, აქ უკვე თვითმკვლელობა აღარ არის, ეს არის მკვლელობა და კეთილი უნდა ინებოს გამოძიებამ და უკვე მკვლელობაზე უნდა გადააკვალიფიციროს”, – განაცხადა მიხეილ რამიშვილმა.
