ჩვენ არ გვინდა რევოლუციური სცენარი. ჩვენ გვინდა ევოლუციური სცენარი, – ამის შესახებ ლელოს გენერალური მდივანმა, ბადრი ჯაფარიძემ განაცხადა.
მისი თქმით, ოპოზიციას არ სურს ქართული ოცნების განადგურება, არამედ მისი “ლეგალურ სივრცეში დაბრუნება.
„ჩვენ გვინდა სცენარი, როდესაც ხელისუფლებაში მოსული ახალი ძალა არ ცდილობს გაანადგუროს მის წინ მყოფი ძალა. ჩვენ ეს პრაქტიკა უნდა დავასრულოთ ამ ქვეყანაში, სხვაგვარად ამ ქვეყანას განვითარება არ უწერია”, – განაცხადა ჯაფარიძემ „ფორმულასთან“.
