ბათუმში, მირიან მეფის ქუჩაზე საცხოვრებელ სახლში აფეთქება მოხდა. დაშავებულია ოთხი ადამიანი.
არსებული ინფორმაციით, აფეთქება ბუნებრივი აირის გაჟონვამ გამოიწვია.
“აფეთქების ძლიერი ხმა იყო. რომ მოვედი სახანძრო უკვე ასრულებდა მუშაობას. გაზმა გაჟონა, მეორე სართულზე მოხდა აფეთება, სახლი ნაწილი დანგრეულია. მეორე სართული არის გაქირავებული, შემთხვევის დროს ოთხი ადამიანი იყო სახლში, მათ შორის მეპატრონე. ყველა კლინიკაშია გადაყვანილი,”- აცხადებენ თვითმხილველები.
ადგილზე მობილიზებული არიან სამართალდამცავები და სასწრაფო-სამედიცინო დახმარების ბრიგადები.
შს სამინისტროს ინფორმაციით ფაქტზე გამოძიება 240-ე პრიმა მუხლით (ელექტრო – ან თბოენერგიის, გაზის, ნავთობის ან ნავთობპროდუქტების ობიქტზე უსაფრთხოების წესების დარღვევა) დაიწყო.
ავტორი: ნაირა ქობულაძე
