ბათუმში მთავრობის ადმინისტრაციულ შენობასთან ე. წ. „ოცნების ქალაქის” მოსახლეობა აქციას მართავს. როგორც აქციის ორგანიზატორი მარინა ბერიძე აცხადებს, მათი მთავარი მოთხოვნა ე. წ. „ოცნების ქალაქის” მშენებლობა, კრიტერიუმების განსაზღვრა და დასახლებაში მრიცხველების მონტაჟ.
„ცხრა წელია ვითხოვთ „ოცნების ქალაქის” ექვსი კატეგორიის მოსახლეობისათვის დოკუმენტალურ დასტურს, რომ 1740 ოჯახს გადაეცემა ბინა. არ ვიცით რას აპირებენ, ვის დააკმაყოფილებენ. კი 582 ოჯახისთვის შენდება ბინა, მაგრამ ისიც არ ვიცით პირველად ვის გადასცემენ ბინას. და დარანჩენს რა ბედი ელის. გვიჩნდება ეჭვი, რომ შესაძლოა ეს ბინები სხვებს გადასცენ და ჩვენ დავრჩეთ ბინების გარეშე. აბა დადებითი პასუხი რომ ყოფილიყო, ამდენ ხანს გვეტყოდნენ, რადგან ეს მათი პიარიცაა. ეს გვაძლევს ეჭვის საფუძველს.
არ შევწყვეტთ აქციებს, დღეს გამაფრთხილებელი აქციაა, ხვალ განახლდება ოთხ საათზე. თან უფრო მეტნი მოვალთ. სანამ ჩვენი მოთხოვნები არ დაკმაყოფილდება, აქციას არ შევწყვეტთ. შესაძლოა შიმშილობა დავიწყოთ. აღარ გვჯერა უკვე, ერთი წელი გავიდა მოსახლეობის აღწერიდან და პასუხი არ გვაქვს. გამრიცხველიანებას რაც შეეხება, დასახლებაში ერთმაც რომ არ გადაიხადოს თანხა, 300 ოჯახს ეთიშება შუქი. ეს ყველაფერი მოსაწესრიგებელია, სადენები შესაცვლელია. 11 ბარაკული ტიპის სახლი დაიწვა დასახლებაში. მოლიდინი მაქვს, მოსახლეობის პროტესტს დადებითად უპასუხებენ”- აცხადებს მარინა ბერიძე.
ავტორი: ნაირა ქობულაძე
