ბათუმში მთავრობის სახლთან საპროტესტო აქცია დაიწყო. აქციის მონაწილეები რამდენიმე ლოკაციაზე შეიკრიბნენ და მსვლელობით მივიდნენ აჭარის მთავრობის ადმინისტრაციულ შენობასთან.
როგორც აქციის ორგანიზატორები აცხადებენ, ხელისუფლებამ 31 ოქტომბრის არჩევნები გააყალბა და ისინი არ შეწყვეტენ აქციებს, სანამ მათი მოთხოვნები არ შესრულდება.
აქციაზე მსვლელობა-პერფორმანსი მოაწყეს. აქციაზე კუბო მოიტანეს, რომელზეც ბიძინა ივანიშვილის ფოტო და წარწერა იყო: „მშვიდობით ბიძინა”.
შეგახსენებთ, არჩევნების ხელახლა ჩატარების მოთხოვნით გაერთიანებული ოპოზიცია აჭარის მთავრობის სახლთან 8 ნოემბრიდან აქციას მართავს. ოპოზიციამ მეორე ტურში მონაწილეობაზე და დეპუტატის მანდატებზე პროტესტის ნიშნად უარი განაცხადა.
ავტორი: ნაირა ქობულაძე
