რატომ დაასახელა „ნაციონალურმა მოძრაობამ“ სიის პირველ ნომრად მსახიობი და მომღერალი ბუბა კიკაბიძე?! – როგორც პარტიის წევრმა რომან გოცირიძემ „პრაიმტაიმნიუსთან“ საუბრისას განაცხადა, კიკაბიძე რუსეთთან ბრძოლის სიმბოლოა და ის პარტიას “ქართული ოცნების“ საბოლოო დამარცხებაში დაეხმარება.
„ის არის სიმბოლო რუსეთთან დაუმორჩილებლობის, შეურიგებლობისა და ბრძოლის სიმბოლო. ზოგიერთი პარტია იმასაც არ ამბობს, რომ რუსეთი ოკუპანტია, მაგრამ სულ სხვა არის, როდესაც ამას ამტკიცებ საქმით. მან ეს ყველაფერი დაამტკიცა მისი პრინციპულობით, საჯაროდ უკრაინულ, რუსულ მედიაში აჩვენებდა პუტინის რეჟიმის მანკიერ სახეს და უკომპრომისო ქართველის სახეს.
ის არის, ფაქტობრივად, პატრიოტიზმის სიმბოლო და მთავარი ოპოზიციური პარტიის საარჩევნო სიმბოლო, მან უნდა დაამარცხოს პარტია, რომელიც ქვეყანას მიაქანებს რუსული ორბიტისკენ. ჩვენ ძალიან ბედნიერი ვართ, რომ იგი ჩვენს წინადადებას დასთანხმდა“,-განაცხა გოცირიძემ.
ინფორმაციისთვის, გუშინ „ნაციონალურმა მოძრაობამ“ პარტიული სიის შემადგენლობა წარადგინა. სიის პირველი ნომერი მსახიობი და მომღერალი ბუბა კიკაბიძეა.
