ბალარუსის დედაქალაქის, მინსკის ფრუნზესა (464 ათასი მოსახლე) და მოსკოვის რაიონების (300 ათასამდე) მოსახლეობას ონკანიდან წყლის სმა აუკრძალეს. ინფორმაციას meduza ავრცელებს.

განცხადება Minskvodokanal-ის ვებ-გვერდზე გამოქვეყნდა:

„დილით წყალი საყოფაცხოვრებო საჭიროებებისთვის გამოიყენეთ. წყლის მოშვების შემდეგ 15 წუთი დაიცადეთ, რომ წყალმა იდინოს“.

განცხადების გამოქვეყნებამდე ერთი დღით ადრე, მინსკის ზოგიერთი რაიონის მცხოვრებლებმა დაიჩივლეს, რომ ონკანის წყალს უსიამოვნო სუნი ჰქონდა და მისი დალევა შეუძლებელი იყო.

მინსკის ხელისუფლებამ წყალმომარაგების ქსელების გაწმენდა დაიწყო. მოსახლეობა გამოუყენებელი წყლის გადასახადს არ გადაიხდის.

ქალაქში სულ 2 მილიონი ადამიანი ცხოვრობს.

Очередь за водой в Сухарево выросла еще больше. pic.twitter.com/6MQvqdeOPh

— TUT.BY (@tutby) June 24, 2020