მას შემდეგ, რაც პარტია „გირჩის“ ერთ-ერთმა ლიდერმა, ზურაბ ჯაფარიძემ განაცხადა, რომ მის თანაპარტიელებთან „გზები გაიყო“, ბევრი კითხვა გაჩნდა იმასთან დაკავშირებით, რა მოხდა პარტიაში და რას უკავშირდება ზურაბ ჯაფარიძის მსგავსი განცხადება.
როგორც „გირჩის“ ერთ-ერთი წევრი, იაგო ხვიჩია ამბობს, მისთვის უცნობია მსგავსი გადაწყვეტილების მიზეზი, თუმცა პარტიის წევრი აღნიშნავს, რომ ეს პარლამენტში შესვლის საკითხს არ უკავშირდება.
„მე კომუნიკაცია სულ მქონდა ზურასთან, ყველაზე კომფორტულად გირჩის სახეებიდან მე მქონდა მასთან კომუნიკაცია. ბევრმა იცის, რომ ჯაფარა ადამიანურად მიყვარს. ბევრი ვცადე, მაგრამ ფაქტია, რომ თქვენამდე თუ ეს პრობლემა მოვიდა, მცდელობებმა შედეგი ვერ გამოიღო. მე სულ ვეცდები მომავალ თაობას ავუხსნა, რომ მე პირნათელი ვარ ამ ყველაფერთან“,- განაცხადა იაგო ხვიჩიამ „დღის კურიერთან“ საუბრისას.
ამასთან, როგორც ხვიჩია ამბობს, „გირჩი“ არ დაშლილა და მსგავსი დამოკიდებულება პარტიის მიმართ არასწორია.
„ერთი ზუსტად ვიცი, რომ „გირჩი“ არ დაშლილა და ეს ყველაფერი არ არ ის გამოწვეული პარლამენტში შესვლით ან არშესვლით.
მადრიდის რეალიდან რონალდო წავიდა, მას შემდეგ გუნდს ჩემპიონთა ლიგა არ მოუგია, მაგრამ ამის გამო რეალი არ დაშლილა. „გირჩი“ არ არის ის ორგანიზაცია, რომელიც ერთი კაცის ქმედების გამო დაიშლება, ვინც გინდა იყოს ეს კაცი. ჩემ პირად ტრაგედიაა ის, რომ მეგობრებს შორის კონფლიქტი ვერ მოგვარდა“.- ამბობს იაგო ხვიჩია.
ზურაბ ჯაფარიძე: „სამწუხაროდ გზები გაიყო“ – „გირჩი“ დაიშალა?!
