ამ რამდენიმე დღეში არაფერი შეცვლილა. ივანიშვილის რეჟიმი უნდა მოვიდეს გონს, გამოუშვას პოლიტპატიმრები, მელია, რურუა, შეწყვიტოს პოლიტიკური რეპრესიები და დანიშნოს თავისუფალი არჩევნები, – ამის შესახებ „ევროპული საქართველოს“ ერთ-ერთმა ლიდერმა, გიგა ბოკერიამ განაცხადა.
„რაც შეეხება გამოხმაურებებსა და მოლაპარაკებებს, აქ უცვლელია ვითარება. ნორმალური არჩევნები უნდა ჩატარდეს და მერე შეეგუოს ჩვენი მოქალაქეების ბედს. ეს არის ის, რაც სჭირდება ჩვენი ქვეყნის თავისუფლების დაცვას. ნებისმიერი ამ გზიდან გადახვევა არის საფრთხე ჩვენი ქვეყნის მომავლისთვის, ჩვენი პერსონალური თავისუფლებისთვის და ამას მოჰყვება ქართული საზოგადოების რეაქცია, ქართული საზოგადოების მხარდამჭერი თავისუფალი სამყაროს შესაბამისი რეაქცია და უკვე მოჰყვა“, – განაცხადა გიგა ბოკერიამ.
