“იძულებული იქნებიან, ჩაატარონ ქართულ ოცნებაში ბრიფინგი და თქვან, რომ ჩვენ ვერ ავიღეთ შეთანხმების მიერ განსაზღვრული პროცენტი”,- ამის შესახებ “ნაციონალური მოძრაობის” თავმჯდომარემ, ნიკა მელიამ განაცხადა.
რამდენიმე ოპოზიციური პარტიის თბილისის მერობის საერთო კანდიდატის თქმით, ჩაინიშნება ვადამდელი საპარლამენტო არჩევნები.
,,დარწმუნებული ვარ, რომ ბატონმა კალაძემ, კობახიძემ და სხვებმა ჩემზე უკეთ იციან, რომ დამარცხდებიან 2 ოქტომბერს და რომელიმე მათგანი იძულებული იქნება ჩაატაროს „ქართულ ოცნებაში“ და თქვას, რომ ჩვენ ახლოსაც ვერ მივედით შეთანხმების მიერ განსაზღვრულ პროცენტთან და ამიტომ ჩაინიშნება ვადამდელი საპარლამენტო არჩევნები. ამ ბრიფინგს ვინ ჩაატარებს არ ვიცი, მაგრამ ჩემზე კარგად იციან რომ შანსი არ აქვთ. არიან განწირულები მარცხისთვის და საჯაროდაც უნდა აღიარონ, რომ ოპოზიცია წელს იმარჯვებს. რატომ არ აღიარებენ ესეც გასაგებია, საკუთარი აქტივისტების გასამხნევებლად საუბრობენ, თითქოს მათ კარგად აქვთ საქმე, მაგრამ ისინიც ამ ქვეყანაში ცხოვრობენ და როგორია განწყობა ზედმიწევნით კარგად იციან. რაც არ უნდა გულზე მჯიღი ირტყან კობახიძემ და კალაძემ, რომ საპარლამენტო არჩევნები არ ჩატარდება, მით უფრო დიდი სხვაობით დაშორდებიან 43%-იან ნიშნულს“, – განაცხადა ნიკა მელიამ.
ცნობისთვის, ევროპული საბჭოს პრეზიდენტის, შარლ მიშელის მიერ შემოთავაზებულ 19 აპრილის შეთანხმების დოკუმენტის ერთ-ერთი პუნქტის მიხედვით, თუ თვითმმართველობის არჩევნებზე პარტია “ქართული ოცნება” ხმათა 43%-ს ვერ აიღებენ ვალდებულია ვადამდელი საპარლამენტო არჩევნები დანიშნოს.
