ჩეხეთის ჯანდაცვის მინისტრმა, ადამ ვოიტექიმ თანამდებობა დატოვა. ინფორმაციას ამის შესახებ Reuters-ი ავრცელებს.
ადამ ვოიტექს კორონავირუსის პანდემიასთან არასათანადო გამკლავების გამო ხშირად აკრიტიკებდნენ.
ქვეყნის პრემიერ-მინისტრმა, ანდრეი ბაბიშმა ვოიტექს სოციალური ქსელი Twitter-ის გამოყენებით მადლობა გადაუხადა. ბაბიშის თქმით, ვოიტექი ხალხს თავს დაამახსოვრებდა საუკეთესო ჯანდაცვის მინისტრად, რომ არა მთელი ენერგიის კორონავირუსის პანდემიასთან საბრძოლველად მიმართვა.
დაავადებათა პრევენციისა და კონტროლის ევროპული ცენტრის მონაცემებით, უკანასკნელი 14 დღის განმავლობაში ჩეხეთში ყოველ 100 000 მოსახლეზე კორონავირუსით ინფიცირების 193 შემთხვევა ფიქსირდებოდა.
რაც შეეხება საქართველოში კორონავირუსის შედეგებს:
21 სექტემბერს, საქართველოში კორონავირუსის 193 შემთხვევა გამოვლინდა, ასევე გარდაიცვალა ერთი პაციენტი. სულ გამოჯანმრთელებულია 1435 ადამიანი.
