„ნაციონალური მოძრაობის“ მაჟორიტარი კანდიდატის, ლევან ხაბეიშვილის თქმით, გლდანში დამკვირვებლის მიმართულებით გაისროლეს. ამის შესახებ ხაბეიშვილმა ბრიფინგზე განაცხადა.

„ჩემი ინფორმაციით, გლდანში საარჩევნო უბანზე გაისროლეს. როგორც ვიცი, ერთ-ერთი დამკვირვებლის მისამართით. ზუსტი ინფრომაცია არ მაქვს, თუმცა ჩემთვის გასაგებია რაც ხდება საარჩევნო უბნებზე. კრიმინალური ბანდფორმირებები ჰყავთ მობილიზებულები. მათი უმრავლესობა ნარკოლოგიური თრობის ქვეშ იმყოფება. ვეხვეწე 49-ე საარჩევნო უბანში პოლიციელს, იქნებ ნარკოლოგიურში მაინც წაიყვანოთ ეს ორი კრიმინალი, რომლებსაც სახეზე ეწერათ, რომ თრობის ქვეშ იყვნენ“,- განაცხადა ლევან ხაბეიშვილმა.

დღეს, 31 ოქტომბერს საქართველოში საპარლამენტო არჩევნები მიმდინარეობს. ამომრჩეველთა ერთიან სიაში სულ 3 205 634 ამომრჩეველია რეგისტრირებული. ქვეყნის მასშტაბით გახსნილია 3 657 საარჩევნო უბანი. იმ ამომრჩევლებისთვის, რომლებიც იმყოფებიან სამკურნალო დაწესებულებებში, კარანტინსა და თვითიზოლაციაში, ცალკე დამატებით შეიქმნა 127 სპეციალური საარჩევნო უბანი.

არჩევნებში 48 პოლიტიკური პარტია და ორი საარჩევნო ბლოკი მონაწილეობს.

ყველა ინფორმაცია საპარლამენტო არჩევნებთან დაკავშირებით ნახეთ ამ ბმულზე