საქართველოს რესტორატორთა ასოციაციის დამფუძნებლის შოთა ბურჯანაძის განცხადებით, მისი პირადი პოზიციაა, რომ შეზღუდვების მოხსნის შესახებ პრემიერ-მინისტრის დღევანდელი განცხადების შემდეგ, შაბათს დაუმორჩილებლობის აქცია აღარ გაიმართება, თუმცა რესტორატორებმა აღნიშნულ თემასთან დაკავშირებით დამატებითი კონსულტაციები უნდა გამართონ.
“ჩემი პირადი პოზიციაა, რომ აღარ იქნება დაუმორჩილებლობის აქცია შაბათს, მაგრამ კონსულტაციები გვექნება რესტორატორებს კიდევ დამატებით. მისასალმებელია გადაწყვეტილება, რეგულაციები იგივე დარჩება, რაც წინა შემთხვევაში, დისტანცია და ა.შ,” – განაცხადა შოთა ბურჯანაძემ.
