რამდენიმე საათიანი აქცია ჩხოროწყუს მუნიციპალიტეტის მერიასთან დასრულდა. ამის ერთ-ერთ მიზეზად აქციის მონაწილეებმა პოლიციის დამატებითი ძალების შემოყვანა დაასახელეს.
აქციაზე დამატებით შემოიყვანეს სამხარეო პოლიციისა და განსაკუთრებულ დავალებათა დეპარტამენტის თანამშრომლები, რომლებიც სამხარეო პოლიციის პიკაპებითა გადააგილდებოდნენ.
„აქცია დასრულდა, ისევ ვაძლევთ ხელისუფლებას გონივრულ ვადას, შეგვხვდეს მერი დავით გოგუა“,- აცხადებენ აქციის მონაწილეები. აქციაზე არავინ დაუკავებიათ.
შეგახსენებთ, აქციის მონაწილეები ჩხოროწყუს მეორე საჯარო სკოლის მოსწავლეების მიერ მერიის საპირფარეშოს დასუფთავების ფაქტის უსწრაფეს გამოძიებას და დამნაშავე პირების დასჯას ითხოვენ.
ავტორი: თეა შონია
