უკრაინას და საქართველოს აერთიანებთ მრავალსაუკუნოვანი მეგობრობა, კეთილმეზობლური ურთიერთობები ხალხებს შორის, რომლებიც ერთობლივ ფასეულობებსა და ინტერესებს ემყარება,- ამის შესახებ უკრაინის პრემიერ-მინისტრმა დენის შმიგალმა ქართველ კოლეგა ირაკლი ღარიბაშვილთან ერთად გამართულ პრესკონფერენციზე განაცხადა.
მისივე თქმით, დარწმუნებულია, ირაკლი ღარიბაშვილის უკრაინაში ოფიციალური ვიზიტი შესაძლებლობას მისცემთ, რომ პრაქტიკული ნაბიჯების განხილვაზე მოახდინონ ფოკუსირება.
„მინდა, მივესალმო და მივულოცო ბატონ პრემერ-მინისტრს პირველი ოფიციალური ვიზიტი უკრაინაში და მადლობა გადავუხადო, რომ ის დამთანხმდა, მონაწილეობა მიიღოს „ყირიმის პლატფორმის“ საინაუგურაციიო სამიტში. დარწმუნებული ვარ, ჩემი კოლეგის, მეგობრის, ირაკლი ღარიბაშვილის ოფიციალური ვიზიტი შესაძლებლობას მოგვცემს, რომ მოვახდინოთ ფოკუსირება ჩვენი პრაქტიკული ნაბიჯების განხილვაზე, ჩვენს ქვეყნებს შორის სტრატეგიული თანამშრომლობის ინტენსიფიკაციის მიზნით.
დღეს ჩვენ გვქონდა შესაძლებლობა, განგვეხილა ქართულ-უკრაინული ურთიერთობების ყველა ასპექტი – უსაფრთხოების, საგარეო პოლტიკური შემადგენლობიდან დაწყებული, ვაჭრობისა და ეკონიმიკურ სფეროში თანამშრომლობით დამთავრებული.
მინდა, მადლობა გადავუხადო საქართველოს უკრაინის ტერიტორიული მთლიანობისა და სუვერენიტეტის ურყევი მხარდაჭერისთვის, ასევე რუსეთის მიერ ყირიმის უკანონო ანექსიის არაღიარებისთვის, დონბასზე რუსეთის აგრესიის დაგმობისთვის, აგრეთვე დროებით ოკუპირებულ ტერიტორიებზე ადამიანის უფლებების დაცვასთან დაკავშირებული აქტიური პოზიციისთვის. რუსეთის ფედერაციიდან გაძლიერებული ზეწოლის პირობებში ჩვენ ყოველთვის ვგრძნობდით საქართველოს მხარდაჭერას, რომელიც ახლა არის ძალიან ძვირფასი და ღირებული იმ დროს, როდესაც უკრაინამ დააფუძნა წინააღმდეგობის ახალი ფორმატი – „ყირიმის პლატფორმა“. დარწმუნებული ვარ, რომ საქართველოს მონაწილეობა „ყირიმის პლატფორმის“ სამიტზე შესაძლებლობას მოგვცემს, საერთაშორისო თანამეგობრობის ყურადღება გავამახვილოთ, რომ აუცილებელია, იყოს კონსოლიდირებული ძალისხმევები, რაც უკავშირდება აფხაზეთის, ცხინვალის რეგიონის და სამხრეთ ოსეთის, საქართველოს ტერიტორიების დეოკუპაციის საკითხებს“, – განაცხადა დენის შმიგალმა.
