მე ძალიან ძნელად წარმომიდგენია ჩვენმა გუნდმა იმაზე მეტი და კიდევ რაიმე ახალი შესთავაზოს ოპოზიციას მოლაპარაკების მაგიდასთან, – ამის შესახებ განათლების მეცნიერებისა და კულტურის კომიტეტის თავმჯდომარემ თეა წულუკიანმა განაცხადა.
მისივე თქმით, “ბურთიც, გადაწყვეტილებაც და პასუხისმგებლობაც” ოპოზიციის მხარესაა.
“ჩვენ, რა თქმა უნდა, არ დავაფინანსებთ რევოლუციებს და კითხვა, თუ რა უნდა შესთავაზოს კიდევ მმართველმა პოლიტიკურმა ძალამ ოპოზიციას იმისთვის, რომ მათი სურვილები იყოს შესრულებული, მე ძალიან ძნელად წარმომიდგენია ჩვენმა გუნდმა იმაზე მეტი და კიდევ რაიმე ახალი შესთავაზოს ოპოზიციას მოლაპარაკების მაგიდასთან, ვიდრე უკვე იქნა შეთავაზებული, შესაბამისად, მათ მხარესაა მთლიანად ბურთიც, გადაწყვეტილებაც და პასუხისმგებლობაც”, – განაცხადა წულუკიანმა.
