„პატრიოტთა ალიანსი“ საკუთარ კვლევის შედეგებს აქვეყნებს.
„პატრიოტთა ალიანსის“ მტკიცებით, აუდიო გამოკითხვა მარტი-აპრილის თვეებში ჩატარდა. პარტიაში აცხადებენ, რომ 189 533 აუდიო ჩანაწერი გადაეცემა ეუთოს, ევროკავშირის, ამერიკის, საფრანგეთის, გერმანიისა და შვეიცარიის საელჩოებს, რადგან მათი თქმით, უნდა ამხილონ IRI-ს დეზინფორმაცია,
„შემდეგ სამ კვირაში ივლის-აგვისტოს მონაცემებსა და დოკუმენტურ მასალას, ამგვარად, ოქტომბრის შუა რიცხვებში 1 მილიონ 200 000 აუდიო, ხმოვან ჩანაწერს წარმოგიდგენთ! დღეს ხელთ გვაქვს 750 000 აუდიოჩანაწერი, ეს არის მარტის, აპრილის, მაისის, ივლისისა და აგვისტოს ნაწილის დოკუმენტური მასალა! ეს არის ერთადერთი გზა, რომ დავამარცხოთ ტოტალური ტყუილი და დავამტკიცოთ ჩვენი სიმართლე” – ნათქვამია პარტიის განცხადებაში.
კითხვაზე, თანახმა ხართ თუ არა, რომ ევროინტეგრაციის შენარჩუნებასთან ერთად, საქართველომ გამოაცხადოს სამხედრო მიუმხრობლობა, გამოკითხულთა 65.32% აცხადებს, რომ თანახმაა, 12.93% წინააღმდეგია, ხოლო 21.75% პასუხისგან თავს იკავებს.
კითხვაზე, მიგაჩნიათ თუ არა, რომ საქართველოს ერთიანობის აღდგენა შესაძლებელია მხოლოდ და მხოლოდ რუსეთთან სამშვიდობო პოლიტიკით; მოსკოვთან, სოხუმთან და ცხინვალთან პირდაპირი დიალოგით; ეკონომიკური ურთიერთობების აღდგენით; სავიზო რეჟიმის გაუქმებით?
გამოკითხულთა 70.51% თანახმაა, 17.26% წინააღმდეგია, ხოლო 12.23% თავს იკავებს პასუხისგან.
კითხვაზე, 2020 წლის საპარლამენტო არჩევნებზე რომელ პარტიას და/ან მის კანდიდატს დაუჭერთ მხარს?
პასუხისგან თავი შეიკავა, გამოკითხულთა 69.94%.
„რეალურად მარტ-აპრილში ამ კითხვაზე პასუხობდა მხოლოდ 30%. ამ 30 პროცენტში პირველ ადგილზე ვიყავით ჩვენ, საქართველოს პატრიოტთა ალიანსი, და აქვე გეტყვით, რომ ამ ადგილს დღესაც ვინარჩუნებთ.
მეორე ადგილზე იყო ქართული ოცნება და მარტ-აპრილში მისი რეიტინგი იყო 11.16%.
მესამე ადგილზე იყო ნაციონალური მოძრაობა და მეოთხეზე სხვა დანარჩენი პარტიები,“ – აცხადებენ „პატრიოტთა ალიანსში“.
