ხელი მოვაწერეთ დეკლარაციას, რომელსაც უახლოეს მომავალში მსოფლიოს მასშტაბით ანალოგი არ მოეპოვება, – ამის შესახებ „ლეიბორისტული პარტიის“ ლიდერმა შალვა ნათელაშვილმა განაცხადა.
დღეს, ოპოზიციური სპექტრი ხელს აწერს ახალ დეკლარაციას, რომელიც საარჩევნო უბნებზე ერთმანეთის ხმების დაცვას უზრუნველყოფს.
„მე არ მახსოვს ბერლინში, პარიზში ან ლონდონში ამგვარი ხელმოწერა საერთო დეკლარაციაზე, ოპონენტ პარტიებს გაეფორმებინოს.
ეს გამომდინარეობს იქედან, რომ ქართული პოლიტიკური სპექტრი კარგად აცნობიერებს უდიდეს საფრთხეს, რაც წამართულია ჩვენი ქვეყნის თავზე, რომლის ნეიტრალიზაცია 31 ოქტომბერს გარდაუვალია.
გუშინ მსოფლიომ ნახა ავტომატმომარჯვებული ერთ-ერთი ქვეყნის ლიდერი, ეს გამოჩნდა მაინც. მაგრამ ოლიგარქს რომელიც საქართველოს მართავს, ასევე ქვეყანაზე აქვს მიშვერილი ავტომატი და ჩვენ მისი განიარაღება უნდა მოვახდინოთ მშვიდობიანად“, – განაცხადა ნათელაშვილმა.
