კორონავირუსის შემთხვევების ზრდის გამო ევროპის ქვეყნები შეზღუდვებს ამკაცრებენ.
- ჩეხეთის ჯანდაცვის მინისტრის განცხადებით, მომავალი რამდენიმე კვირა რთული იქნება. ქვეყანაში ნაწილობრივი კარანტინი გამოცხადდა, რომელიც 3 ნოემბრამდე იმოქმედებს. ჩეხეთში დაიხურა სკოლები, უნივერსიტეტები, საერთო საცხოვრებლები და ბარები.
- საფრანგეთის პრეზიდენტის, ემანუელ მაკრონის განცხადებით, იმ ქალაქებში, სადაც კორონავირუსის შემთხვევები დიდი რაოდენობაა დაფიქსირებული (მაგ: პარიზი) კომენდანტის საათი (20:00 ან 22:00) დაწესდება.
- კატალონიის მთავრობა დღეს გადაწყვეტს დაიხურება თუ არა ბარები და რესტორნები.
- იტალიის მთავრობის განკარგულებით, აიკრძალება წვეულებების გამართვა რესტორნებში, კლუბებში ან ღია სივრცეში. ასევე, მთავრობა მოქალაქეებს ურჩევს, სახლებში ექვსზე მეტი ადამიანის დასწრებით წვეულებები არ გამართონ. რაც შეეხება ქორწილებსა და სხვა ცერემონიებს, 30-ზე მეტი ადამიანის დასწრება იკრძალება.
- ბულგარეთში დღეს კორონავირუსის 785 ახალი შემთხვევა და 8 გარდაცვალება დაფიქსირდა. სოფიაში ვირუსის ყველაზე მეტი შემთხვევა ფიქსირდება.
- კორონავირუსის რეკორდული დღიური მაჩვენებლის გამოვლენის შემდეგ ნიდერლანდების ხელისუფლებამ შეზღუდვები გაამკაცრა. მთავრობის განკარგულებით, ქვეყანაში 14 ოქტომბრიდან ორი კვირის ვადით ნაწილობრივი კარანტინი წესდება. გამკაცრებული რეგულაციების ფარგლებში იხურება ბარები და რესტორნები. იკრძალება 30 ადამიანზე მეტის შეკრება. საღამოს საათებში იკრძალება ალკოჰოლის გაყიდვა.
