„გირჩის“ ლიდერმა, ზურაბ ჯაფარიძემ კომენტარი გააკეთა საპარლამენტო უმრავლესობის ლიდერის, ირაკლი კობახიძის ინიციატივაზე, რომ პარტიების დაფინანსების წესთან და პარტიისთვის საარჩევნო რეგისტრაციის გაუქმებასთან დაკავშირებული კანონპროექტების მეორე მოსმენით განხილვა ეუთო/ოდირის ან ვენეციის კომისიის დასკვნების შემდეგ გაგრძელდეს:
„მაგ კანონპროექტს ერთადერთი მიზანი ჰქონდა, რაღაცნაირად ზეწოლის ბერკეტად გამოეყენებინათ, რომ სხვადასხვა პოლიტიკური პარტია, რომელიც ჩამოკიდებულია საბიუჯეტო დაფინანსებაზე მათდა სამწუხაროდ, რაღაცნაირად შეეყვანათ პარლამენტში. ეგ დაფინანსება ზოგადად გასაუქმებელია. მერე ნახეს, რომ უკურეაქცია იყო და პირიქით, ყველამ თქვა, არ გვაინტერესებსო და ახლა უბრალოდ რაღაც დროს იგებენ, ვენეციის კომისიაში გაგზავნიან, დაელოდებიან. შესაბამისად, როგორც ჩანს, გადაწყვიტეს, რომ მსვლელობა არ მისცენ სწრაფად, რადგან ნახეს, რომ ამ ბერკეტმა არ იმუშავა“, – განაცხადა განაცხადა ზურაბ ჯაფარიძემ.
