პარტია „მოქალაქეების“ ლიდერი, დეპუტატი ალეკო ელისაშვილი დარწმუნებულია, რომ თვითმმართველობის არჩევნებს თამარ ჟვანია არ ჩაატარებს.
მისი თქმით, ძალაში შევა ახალი თავმჯდომარის არჩევის წესი.
„ძალაში შევა ახალი თავმჯდომარის არჩევის წესი. ორ თავმჯდომარეობა ხომ არ იქნება? კანონს უკუქცევის ძალა არ აქვს, მაგრამ დარწმუნებული ვარ, თამარ ჟვანია თვითმმართველობის არჩევნებს არ ჩაატარებს. არჩევნებს ახალი საარჩევნო რეფორმის შედეგად დაკომპლექტებული ცესკო ჩაატარებს“, – განაცხადა ელისაშვილმა.
შეგახსენებთ, რომ შარლ მიშელის მიერ წარდგენილ დოკუმენტს – „საქართველოს წინსვლის გზა“ პარტიებმა ხელი ოფიციალურად 19 აპრილს მოაწერეს.
პოლიტიკურმა ძალებმა 5-პუნქტიანი შეთანხმების აღსრულებაზე ერთად უნდა იმუშაონ.
