შეიძლება ეს კონფლიქტი გამოვიყენოთ პოზიტიურად იმ თვალსაზრისით, რომ დაშლაც კი ცივილური იყოს, – ამის შესახებ “რუსთავი 2-ის” ეთერში “გირჩის” ლიდერმა, ვახტანგ მეგრელიშვილმა განცხადა.
“შეიძლება ეს კონფლიქტი გამოვიყენოთ პოზიტიურად იმ თვალსაზრისით, რომ დაშლაც კი ცივილური იყოს. შეიძლება ვიფიქროთ ფრაქციებზე ერთი პლატფორმის შიგნით, მილიონი რამე შეიძლება ვიფიქროთ, ოღონდ ეს არის საუბრის თემა.
მხოლოდ ერთი პრეტენზია მაქვს ზურაბ ჯაფარიძესთან, რატო დღეს , რატომ არ შეიძლებოდა ერთი თვით, ან ორი თვით გადავადება, როდესაც ქვეყანაში სიტუაცია იქნებოდა სტაბილური,“ – აცხადებს ვახტანგ მეგრელიშვილი.
შეგახსენებთ, რომ პარტია “გირჩში” არსებული დაპირისპირების შესახებ ზურა ჯაფარიძის “ფეისბუქ” პოსტის შემდეგ გახდა ცნობილი.
ჯაფარიძემ დაწერა, რომ ის პარტიულ თანამშრომლობას წყვეტს იაგო ხვიჩიასთან, ვახტანგ მეგრელიშვილთან და ალექსანდრე რაქვიაშვილთან.
ჯაფარიძე დეტალებზე საუბრისგან თავს იკავებს.
მოგვიანებით, დაპირისპირების რეალური მიზეზების შესახებ განმარტება გააკეთა ვახტანგ მეგრელიშვილმა.
მეგრელიშვილის თქმით, ჯაფარიძემ პარტიის წევრებს ცენზურაზე დაქვემდებარება მოსთხოვა, რაზეც ვერ შეთანხმდენენ.
როგორც მეგრელიშვილი ამბობს, ჯაფარიძის მოთხოვნები იყო: წინასწარ შეთანხმება რა თემებზე ისაუბრებდნენ პარტიის წევრები, პარტიის მმართველობას ჩამოცილება, მოწევისთვის თავის დანებება და ხალხთან ნორმალურად საუბარი.
